Գլխավորը խոչընդոտների վերացումն է.Փաշինյանի հարցազրույցը «РБК» -ին/տեսանյութ/
Վարչապետ Նիկոլ Փաշինյանը հարցազրույց է տվել ռուսական «РБК» հեռուստաալիքին:Անդրադառնալով վերջերս ստանձնած ԵԱՏՄ մարմիններում Հայաստանի նախագահությունը, ասել է,որ պատրաստվում է ակտիվ աշխատել: «ԵԱՏՄ բարձրագույն մարմիններում նախագահությունը հնարավորություն է տալիս առավել ակտիվ աշխատել կառույցում և փորձել նոր խթան հաղորդել ընդհանուր գործին: Մենք այդպես էլ տրամադրված ենք: Ես արդեն խոսել եմ առաջնահերթությունների մասին, բայց ուզում եմ ընդգծել, որ գլխավոր եմ համարում ԵԱՏՄ-ում առկա խոչընդոտների վերացումը: Հաշվարկվել է և ներկայացվել, որ Եվրասիական միության տարածքում գոյություն ունեն 80 խոչընդոտներ՝ կապված մի շարք ոլորտների հետ: Այստեղ պետք է նշել, որ, «դե յուրե» առկա խոչընդոտներից բացի, գոյություն ունեն նաև «դե ֆակտո» խոչընդոտներ: Մեր գլխավոր նպատակն է լինելու դրանց ինչ-որ մի մասը վերացնելը: Եթե հաջողվի ամբողջությամբ, ապա դա շատ լավ կլինի»,-ասաց Նիկոլ Փաշինյանը:
Հետևեք մեզ Viber-ում
