ՊԵԿ նախագահի փոփոխություն կլինի՞.պարզաբանում է Մակունցը
«Քննարկվելու է նաև ՊԵԿ-ում աղմկահարույց պարգևատրումների հարցը և պարզաբանումներ տալու համար հրավիրվել է ՊԵԿ նախագահ Դավիթ Անանյանը։ Քննարկելու ենք նաև Հարկային օրենսգրքի հետ կապված հարցեր»,- լրագրողների հետ զրույցում նշեց «Իմ քայլը» խմբակցության ղեկավար Լիլիթ Մակունցը: Հիշեցնենք,որ մոտ 1 ժամից Ազգային ժողովում կկայանա «Իմ քայլը» խմբակցության փակ նիստ։ Ըստ նրա՝ պարգևավճարների հետ կապված հանրային արձագանքը մեծ է և իրենց մտածելու տեղիք է տվել, քանի որ մի կողմից կա օրենք և օրենքի շրջանակներում են գործողություններ արվում, բայց մյուս կողմից էլ կա հանրային մեծ արձագանք։ ՊԵԿ նախագահի փոփոխության հարց, Լ.Մակունցի կարծիքով, այս պահին դրված չէ: Թե ինչո՞ւ են միայն ՊԵԿ նախագահից պարզաբանումներ պահանջում, ինչո՞ւ են «անտեսում» մյուս գերատեսչությունների ղեկավարներին, որոնք ևս միլիոնավոր պարգևավճարներ են բաժանել, Մակունցը չհստակեցրեց։
Հետևեք մեզ Viber-ում
