Ումից է նեղացել Սեյրան Օհանյանը (տեսանյութ)

Բանակը 2008–ի հետընտրական ժամանակահատվածում ներգրավված է եղել արտակարգ դրության հրամանը հայտարարելուց հետո։ Այս մասին այսօր՝ հունվարի 28-ին, լրագրողների հետ զրույցում ասաց պաշտպանության նախկին նախարար Սեյրան Օհանյանը։ Այնուհետև նշեց, որ ինքն իշխանություններից նեղացած չէ, ողջունել է վերջին փոփոխությունները երկրում։ «Իսկ ո՞վ է ասում, որ ես իշխանություններից նեղացած եմ։ Ես ոչ մեկից նեղացած չեմ, ես ողջունել եմ այսօրվա իրականությունը, ողջունել եմ այս թավշյա փոփոխությունները, հեղափոխությունը, ոչ թե 2018–ին, այլ 2016–ին եմ ես կողմնակից եղել, որ մեր երկրին պետք են կտրուկ փոփոխություններ, որոնք մեր երկրին կապահովեն կտրուկ առաջընթացի պայմաններ»,- ասաց նա։