80-ականների զենքով շարունակելու ենք կռվել մինչև 2050-ականները. Արծրուն Հովհաննիսյան
«Ազատություն» ռադիոկայանի ֆեյսբուքյան ասուլիսի ժամանակ ՊՆ խոսնակ Արծրուն Հովհաննիսյանը վստահեցրեց, որ առողջության հետ խնդիրներ ունեցողների՝ Զինված ուժերում հայտնվելը նվազում է: Նա նշեց, որ նույնիսկ եթե որևէ մեկը սխալմամբ զորակոչվել է, ապա կարելի է 1-2 ամսում հոսպիտալային ծառայության վերահսկողությամբ պարզել, և եթե հաստատվեց, զորացրել նրան: Որպես դրական կողմ նա մատնացույց արեց մատակարարման ասպարեզում, հատկապես՝ հագուստի էական տարբերությունները: «Ձեռքբերումներ են եղել զենք-զինամթերքի առումով և կլինեն»,-նշեց նա: Հարցին, թե բանակում շարունակելու են կռվել 80-ականների զենքերով կամ բահերով Ա. Հովհաննիսյանը պատասխանեց. «Բահերով կռվելը ոչնչով չհիմնավորված պատերազմային միֆերից է, ցավոք, դրանցից մենք էլ չխուսափեցինք: 80-ականների զենքով մենք էլ, ամբողջ աշխարհն էլ շարունակելու է կռվել մինչև 2050-ականները, քանի որ այդ զենքերը հիմնական զինանոցի դոմինանտն են մնալու ամբողջ աշխարհում»:
Հետևեք մեզ Viber-ում
