«Սա պարզապես դարի բացահայտում է». Տիգրան Գրիգորյան

Արցախի «Ազգային վերածնունդ» կուսակցության անդամ Տիգրան Գրիգորյանը ֆեյսբուքյան իր էջում գրել է. «Հատկապես զվարճալի է երեկվա իվենթի մասին ցասմամբ լի արձագանքներ կարդալ այն մարդկանցից, որոնք մի քանի ամիս առաջ Բակո Սահակյանին սուրբ էին համարում, ասում էին` պատերազմական իրավիճակում գտնվող Արցախում չի կարելի հանրահավաք անել, մեզ մեղադրում էին, որ զրպարտում ու նեղացնում ենք ազնվագույն ու մեծահոգի Բակո Սահակյանին։ Հիմա այս մարդիկ հանկարծակի պարզել են, որ Բակո Սահակյանը Քոչարյանի շահերն է պաշտպանում։ Այ քեզ անակնկալ։ Նույնիսկ պարզվում է` Պարգևն էլ է քոչարյանամետ։ Սա պարզապես դարի բացահայտում է։ Այսպիսի տեմպերով շուտով կարող են հայտնաբերել, որ երկիր մոլորակը արեգակի շուրջ է պտտվում»