Նիկոլ Փաշինյանը 25 հազար դրամի դիմաց կեղծ հոդվածներ է գրել. Սարգիս Կարապետյան

Նիկոլ Փաշինյանը 25 հազար դրամի դիմաց կեղծ հոդվածներ է գրել: Նման հայտարարությամբ այսօր Հայելի ակումբում լրագրողների հետ զրույցում,  ասաց «Թալին» ջոկատի հրամանատար, ղարաբաղյան պատերազմի մասնակից Սարգիս Կարապետյանը: «Նիկոլը, լինելով Լևոն Տեր-Պետրոսյանի հովանավորյալը, նրա քաղաքականությունն է շարունակում: Չգիտես ինչու՝ ոչ ոք չի հիշում Հայաստանի առաջին նախագահի հանցագործությունների մասին և բոլորը կենտրոնացել են մարտի 1-ի գործի վրա, թեպետ Լևոնը նույնպես պատասխանատու է բնակչության թալանի եւ սպանությունների համար: Հրադադարի ստորագրումից հետո այսպես կոչված խաղաղ շրջանում ավելի քան 3 հազար զինվոր է մահացել: Մեր զինվորների մահվան համար պատասխանատու է Լևոն Տեր-Պետրոսյանը, որը նահանջելու հրաման էր տվել, երբ մեր բանակը հաղթական երթով առաջ էր գնում»,-ասաց նա: Նա վստահ է, որ Նիկոլ Փաշինյանը, լրագրող լինելով, 25 հազար դրամի դիմաց կեղծ հոդվածներ է գրել եւ չի կարող իրեն որպես ժողովրդի ներկայացուցիչ ներկայանալ: