Ինչ են քննարկել Ռուսաստանի և Իրանի ԱԳ նախարարները

«ՌԻԱ Նովոստիի» փոխանցմամբ, Ռուսաստանի Դաշնության արտաքին գործերի նախարար Սերգեյ Լավրովը Իրանի Իսլամական Հանրապետության գործընկերոջ՝ Մոհամադ Ջավադ Զարիֆի հետ հեռախոսազրույցում քննարկել է իրադրությունը Վենեսուելայում: Նշվում է, որ հեռախոսազրույցը տեղի է ունեցել իրանական կողմի նախաձեռնությամբ: «Արտաքին քաղաքական գերատեսչությունների ղեկավարները քննարկել են Վենեսուելայում տիրող իրադրությունը; Ընդգծվել է պատրաստակամությունը՝ նպաստելու Վենեսուելայի քաղաքական ուժերի միջև փոխըմբռնման ուղիների հայթայթմանը՝ հանուն ներքին քաղաքականության, սոցիալ-տնտեսական խնդիրների լուծման: Նախարարները մտքեր են փոխանակվել երկկողմ համագործակցությանն առնչվող հարցերի վերաբերյալ»,- ասվում է ՌԴ ԱԳՆ տարածած հաղորդագրության մեջ: