«Արմավիր» ՔԿՀ-ում դատապարտյալ է մահացել

«Արմավիր» քրեակատարողական հիմնարկում մահացել է դատապարտյալ Արմեն Նազարյանը: Այս մասին տեղեկացնում են ՀՀ քրեակատարողական ծառայության հանրային կապերի բաժնից: Հունվարի 27-ի առավոտյան՝ ժամը 11:30-ին, նրա ինքնազգացողությունը վատացել է, շտապօգնություն է հրավիրվել, Նազարյանը մերժել է հոսպիտալացվելու հորդորը: Նրա ինքնազգացողությունը նույնը օրը երկրորդ անգամ էլ է վատացել՝ ժամը 22:33-ին: Ժամը 23:00-ին ժամանած շտապօգնության խումբն արձանագրել է Արմեն Նազարյանի կենսաբանական մահը: Դեպքի առթիվ նշանակված է դատաբժշկական փորձաքննություն, կատարվում է նախաքննություն: