Ում խխճին է ծանրանալու Եղիազարյանի մահը

Այսօր «Նուբարաշեն» ՔԿՀ-ում մահացել է 44 օր հացադուլ հայտարարած Մհեր Եղիազարյանը։ Նա «Հայոց Արծիվներ. Միասնական Հայաստան» կուսակցության փոխնախագահն էր, «Haynews.am» լրատվական կայքի պատասխանատուն: Ձերբակալվել էր դեկտեմբերին, ըստ ԱԱԾ-ի նա խաբեությամբ ուրիշի գույքի հափշտակություն կատարելու դիտավորությամբ, 2014թ. փետրվարից մինչև 2018թ. հոկտեմբերն ընկած ժամանակահատվածում, անձամբ, կամ միջնորդների միջոցով, չարաշահելով ՀՀ մի շարք քաղաքացիների, այդ թվում առանձին զինծառայողների վստահությունը, ծառայության կամ աշխատանքի տեղավորելու, ծառայողական առաջխաղացման, կամ այլ տարաբնույթ հարցեր լուծելու համար, կաշառք տալու պատրվակով նրանցից պահանջել, ստացել և առանց որևէ գործողություն կատարելու խարդախությամբ հափշտակել է 180 հազար դրամից մինչև առանձնապես խոշոր չափերի հասնող՝ 10 հազար ԱՄՆ դոլարին համարժեք 4 մլն 775 հազար ՀՀ դրամ: Չենք կարող չասել, որ խմբագրի մահվան բոթը անակնկալի բերեց շատերին, գուցե պատճառն այն էր, որ նա ոչ այնքան հայտնի էր ու հասարակական մեծ աղմուկ չառաջացրեց ոչ իր ձերբակալությամբ, ոչ էլ հացադուլով: Սակայն ուր էին պատկան մարմիններն ու իշխանությունները, երբ Եղիազարյանի պաշտպանները բարձրացրել են իր պահանջի ու հացադուլի մասին: Դատարանը դեռ չի ապացուցել Մհեր Եղիազարյանի մեղքը, եւ այսուհետ դա դառնում է գրեթե անհնար,եթե չասենք, որ Մհեր Եղիազարյանը իր մահով ապացուցեց, որ անմեղ է: Մհեր Եղիազարյանի մահը ծանրանալու է նոր իշխանության խղճին:Հացադուլի մեջ գտնվող մարդու մահը սպանություն է, իսկ այդ սպանությունն իրականացրել է այս իշխանությունը, ով չանսալով պահանջին ընդառաջ չի գնացել: 2017-֊ին Արթուր Սարգսյանը՝ Հաց բերողը հացադուլ հայտարարելու շնորհիվ ազատվեց կալանքից , ազատվելուց հետո մահացավ։ Միթե նոր իշխանությունները նույնքան անգութ չեն, որքան նախկինները: Ինչն էր խանգարում փոխարիել Մհեր Եղիազարյանի կալանքը, երբ նա առանձնապես ծանր հանցանքի մեջ չէր մեդաղրվում: Միթե նա պահվում էր բանտում միայն այն պատճառով, որ նախկին իշխանությանը սպասարկու Հայոց Արծիվներ ՀԿ-ի փոխնախագահն էր: Այս իշխանության սադիզմը սահմաններ չի ճանաչում, եթե մտքներին տեղ են դնում, թիրախին ոչնչացնում են մինչեւ վերջին հյուլեն: Մինչ նախորդ իշխանության տասնյակ գող-ավազակներ, թալանչիներ վայելում են հեղափոխական իշխանությունների հովանավորչությունը, քանզի հասցրել են ճիշտ ժամանակին ու ճիշտ տեղում խոնարհվել նրանց առջեւ, նոր Հայաստանի ընտրողաբար արդարադատությանը զոհ է գնում մարդ, ում մեղքը դեռ չէր էլ ապացուցվել: Բայց լինելով նախկին ռեժիմի ներկայացուցիչ նրա նկատմամբ կալանքը խափանման միջոց էր կիրառվել ու չփոխվեց նույնիսկ այն պարագայում, երբ Եղիազարյանը դիմել էր պայքարի ամենածայրահեղ միջոցին: Անի Սահակյան