Լինում են դեպքեր.Դավիթ Տոնոյանը՝ բանակում կրիմինալ մթնոլորտի մասին

«Պետք է ունենանք միջազգային չափանիշներին համապատասխան բանակ, պայմանագրային ամբողջական ծառառայության անցնելու որևէ պայման առկա չէ»,-այս մասին այսօր «Եռաբլուր»-ում լրագրողների հետ զրույցում ասաց ՀՀ պաշտպանության նախարար Դավիթ Տոնոյանը։ «ԶՈՒ-ն այսօր մեծաքանակ է, և մենք ստիպված ենք դիմագրավելու համապատասխան մարտահրավերներին, որոնք շարունակական են: Մենք պետք է ունենանք միջազգային չափանիշներին համապատասխան բանակ, այդ պատճառով անելու ենք ամեն ինչ, որ  փոխլրացման համակարգ գործի, այլ տարբերակ չունենք»,-ասաց նա: Ըստ Պաշտպանության նախարարի՝ ամեն ինչ արվում է բոլոր խնդիրները հաղթահարելու համար: «Հավատացեք, անում ենք առավել, քան հնարավոր է, քան պատկերացնում եք, մենք ԶՈՒ մարտունակությունը պատշաճ ձևով ենք պահելու»,-ասաց նա: Tեղի՞ն են ՀԿ-ներից մեկի դիտարկումները, թե բանակում կրիմինալ մթնոլորտը շարունակվում է հարցին, Դավիթ Տոնոյանը պատասխանեց. «Ես չեմ կարող բացառել, որ միջանձնային հարաբերություններում չեն լինում այդպիսի դրվագներ, 18-27 տարեկան տղաներ են, ամեն ինչ արվում է, որ իրենց կարգապահությունը բարձրացվի, միջանձնային հարաբերությունների բարձր որակը հաստատվի, բայց լինում են, իհարկե, դեպքեր: Պաշտպանության նախարարը հայ զինվորին մաղթեց լավ տրամադրություն, զգոնություն և հանդարտ հոգով ու անսասանան հավատով առաջ շարժվելու կարողություն։