6 կարևոր փոփոխություն, որը նախատեսվում է հարկային նոր օրենսգրքով

ԱԺ «Իմ քայլը» խմբակցության պատգամավոր Տիգրան Կարապետյանը Ֆեյսբուքյան իր էջում գրում է ՝ «6 կարևոր փոփոխություն, որը նախատեսվում է հարկային նոր օրենսգրքով. 1. ԱԱՀ-ի շեմը վերադառնում է տարեկան կտրվածքով շրջանառության 115 միլիոն դրամի մակարդակ` ներկայիս 58.35 մլն-ի փոխարեն: 2. Ներկայումս գործող եկամտային հարկի եռաստիճան՝ 23, 28 և 36% դրույ­­­քա­չա­փերին 2019 թվա­կա­նի սեպտեմբերի 1-ից փոխարինելու է մեկ միասնական դրույքաչափ՝ 23%, այնուհետև եկամտային հարկի դրույ­քա­չափը մինչև 2023 թվա­կա­նը աստիճանաբար նվազեցվելու է մինչև 20%: 3. 2020 թ. սկսած շահութահարկի դրույքաչափը սահմավում է 18%` ներկայիս 20%-ի փոխարեն: 4. Oտարերկրյա քաղաքացիների՝ հայաստանյան աղբյուրներից ստացվող շահա­բա­ժին­ները հարկվելու են ոչ թե եկամտային հարկի 10% դրույքաչափով, այլ այնպես, ինչպես ՀՀ քաղաքացիների դեպքում է՝ 5%: 5. Վերանում է արտոնագրային հարկը: 6. Ներմուծվում է միկրոձեռնարկատիրական սուբյեկտ հասկացությունը (մինչև 24մլն շրջանառություն), որոնք ըստ էության ազատվում են բոլոր պետական հարկերի հաշվարկման և պետական բյուջե վճարման պարտավորությունից (որոշ բացառություններ չհաշված)»: