«ՍԻԼ կոնցեռնի» պարզաբանումը բենզինի ներկրման վերաբերյալ
Սուքիասյան ընտանիքին պատկանող ընկերություններից մեկը 2018 հունվարից միջին քանակությամբ ներմուծում է «ՌՈՄ Պետրոլ» եվրոպական բարձր որակի վառելիք, միևնույն ժամանակ, ուսումնասիրվում և տարվում են աշխատանքներ պահեստարանների կառուցման շուրջ: Այս մասին AraratNews.am-ի հետ զրույցում ասաց «ՍԻԼ կոնցեռնի» մամուլի խոսնակ Աննա Մկրտչյանը, պատասխանելով հարցին, թե ճի՞շտ են մամուլում հրապարակված լուրերն այն մասին, որ գործարար Խաչատուր Սուքիասյանը զբաղվելու է բենզինի ներկրմամբ: Հիշեցնենք, որ մամուլում հրապարակվել է տեղեկություն, որ նավթամթերքի ներմուծման շուկայում առաջիկայում հնարավոր է նոր ընկերություն հայտնվի: «ՍԻԼ» ընկերության սեփականատեր Խաչատուր Սուքիասյանը նավթամթերքի պահեստարան է կառուցում և մտադիր է այն ավարտելուց հետո մտնել նավթամթերքի ինչպես մեծածախ, այնպես էլ մանրածախ առևտրի շուկա: Բենզինի և դիզվառելիքի վերջին էժանացումները կարող են կապված լինել հենց այս հանգամանքի հետ, քանի որ շուկայում առաջանում է մրցակցություն:
Հետևեք մեզ Viber-ում
