Փաշինյանը Թեղուտի հանքի վերաբերյալ դատական խնդրի մասին
Դավոսում ռուսական ընկերությունների հետ հանդիպումների ժամանակ հայկական կողմը քննարկել է ոչ թե ներդրումների ծավալները, այլ դրանց բովանդակությունը, և մասնագետները հետագայում կորոշեն՝ այս կամ այն ծրագիրը որքա՞ն կարժենա։ Այս մասին Մոսկվայում անցկացված ասուլիսի ժամանակ լրագրողներից մեկի հարցին պատասխանելիս նշել է ՀՀ վարչապետ Նիկոլ Փաշինյանը։ Փաշինյանը տեղեկացրել է, որ «ՎՏԲ բանկի» հետ քննարկվել է Թեղուտի հանքավայրի ծրագիրը, որը շատ կարևոր է Ալավերդիի տարածաշրջանի համար։ Հայկական կողմը հուսով էր, որ մինչև 2018 թվականի տարեվերջ հնարավոր կլինի վերագործարկել հանքավայրի աշխատանքը, բայց դա չստացվեց։ «Այնտեղ դատական խնդիրներ առաջ եկան, և հիմա, որքանով տեղեկացված եմ, այդ դատական խնդիրները լուծվում են, և հիմա մենք հուսով ենք, որ «ՎՏԲ բանկը» կկարողանա համաձայնության հասնել Թեղուտի հանքավայրի աշխատանքի մենեջմենթն իրականացնող օպերատորի հետ», – ասել է Փաշինյանը։
Հետևեք մեզ Viber-ում
