Վրաստանը ճանաչել է որպես նախագահ
Վրաստանի ԱԳ նախարար Դավիթ Զալկալիանին հայտարարել է, որ ճանաչում է Վենեսուելայի Ազգային ասամբլեայի ղեկավար Խուան Գուայդոյին որպես Վենեսուելայի նախագահ՝ գործող օրինական նախագահ Նիկոլաս Մադուրոյի փոխարեն։Զալկալիանիի հայտարարությունում նշվում է, որ ողջունում են Վենեսուելայի քաղաքացիներին՝ հանուն ազատության եւ ժողովրդավարության իրենց պայքարում զորակցություն հայտնելով: Այնուհետև հավելել. «Վրաստանը, որպես միջազգային հանրության պատասխանատու անդամ, չի ճանաչում Վենեսուելայում տեղի ունեցած անցյալ տարվա նախագահական ընտրությունների արդյունքները, որոնք անցել են ոչ ժողովրդավարական մթնոլորտում, անարդար եւ անհավասար պայմաններում»: Հիշեցնենք, որ Վենեսուելայում ընդդիմության առաջնորդ, խորհրդարանի ղեկավար Խուան Գուայդոն հռչակել է իրեն երկրի ժամանակավոր նախագահ: «Երդվում եմ, որպես Վենեսուելայի ժամանակավոր նախագահ, ինձ վրա վերցնել երկրի գործադիր իշխանության բոլոր լիազորությունները՝ վերջ տալու բռնազավթմանը և դավաճանական իշխանությանն ու անցկացնելու արդար ընտրություններ», - Կարակասում բազմահազարանոց հանրահավաքում հայտարարել է Խուան Գուայդոն:
Հետևեք մեզ Viber-ում
