«Մհեր Ենոքյանը չի զղջացել եւ չի զղջալու». Ելենա Աղաջանովա
Իոսիֆ Աղաջանովի քույրը՝ Ելենա Աղաջանովան այսօր լրագրողների հետ զրույցում նշել է, որ իրենք երբեք չեն ների իրենց եղբորը սպանողին: «Մենք նրան չենք ներում: Եվ ցանկացած մեկը, ով խոսում է ներման մասին, թող իրեն մեր տեղը դնի: Այո, մայրը կարող է ներել իր երեխայի սպանողին, որն, ասենք, վթարի է նրան ենթարկել։ Բայց երիտասարդ տղայի դաժան սպանություն էր տեղի ունեցել: Մենք պահանջում ենք, որ երկրի ղեկավարությունը լսի մեզ եւ ներկայացնի իր դիրքորոշումը: Մհեր Ենոքյանը չի զղջացել եւ չի զղջալու», -հայտարարել է Ելենա Աղաջանովան: Աղաջանովան նշել է, որ իր հայրը դիմել էր վարչապետ Նիկոլ Փաշինյանին, սակայն վերջինս մինչ այժմ չի արձագանքել: Ելենա Աղաջանովան այնուհետև հավելել է, որ սպառնում և փորձում են լռեցնել բոլոր նրանց, ովքեր ուզում են իրականությունը հրապարակել:
Հետևեք մեզ Viber-ում
