«Ճաշակեցի և՛ քեն, և՛ ոխ». Արթուր Մեսչյանն ամփոփեց պաշտոնավարման 100 օրը
«Ճաշակեցի և՛ քեն, և՛ ոխ: Հայտնի երգի բառերը այսօր մամուլի ասուլիսի ժամանակ մեջբերեց Երևանի գլխավոր ճարտարապետ Արթուր Մեսչյանն՝ իր պաշտոնավարման 100 օրն ամփոփելիս: «100 օրերի ընքացքում տվել եմ 170 շինթույլատվություն, 20-22 քանդման թույլատվություն, ինչպես նաև էսքիզային նախագծերի հաստատումներ եղել: Այսինքն՝ այն, ինչ վերաբերում է նախագծային բլոկին, ես շատ ուրախ եմ, որ շատ ակտիվ շարժ կա այդ հարցում: Սա նշանակում է, որ Երևանում շատ շուտով ակտիվ շինարարություն կսկսվի հատկապես բնակելի ոլորտում»,-ասաց Մեսչյանը: Խոսելով Օպերայի տարածքը կանաչապատելու մասին, նշեց, որ այն Հայկ Մարությանի կամ իր քմահաճույքը չէ: Նա հիշեցրեց, որ սրճարաններից ազատվելու է միայն մեկ գոտին, ու դրա վերաբերյալ վաղուց կային բողոքներ։ «Զարմանալին այն է, որ հիմա, երբ հնարավորություն կա դա անելու, շատ տարօրինակ խոսակցություններ են գնում, թե ոչինչ չարած արդեն քանդում են, և այլն, և այլն, ինչը շատ զարմանալի է», – ասաց Մեսչյանը:
Հետևեք մեզ Viber-ում
