Հայկական համարանիշով միկրոավտոբուսը Վորոնեժում վթարի է ենթարկվել . վարորդը զոհվել է

Ինչպես հաղորդում է Tass գործակալությունը, Ռուսաստանի Դաշնության Վորոնեժի մարզում այս գիշեր բախվել են Pegarus մակնիշի ավտոբուսն ու Mercedes մակնիշի միկրոավտոբուսը: Mercedes-ը եղել է հայկական համարանիշերով, իսկ վարորդը տեղում մահացել է: Նշվում է, որ Մոսկվայի ուղղությամբ շարժվող միկրոավտոբուսը 9 մարդ էր տեղափոխում, ուղևորներից մի կին և տղամարդ ստացել են մարմնական վնասվածքներ: Բժիշկների հավաստմամբ՝ տուժածների վիճակը ծանր չէ: Մյուս ավտոբուսում եղել է 25 ուղևոր, որոնցից ոչ ոք չի տուժել: