Թող նախ Թուրքիան վերադարձնի այն հայերի գույքը, որոնց սպանել են․ Սեմյոն Բաղդասարով
Հայաստանի և Թուրքիայի միջև հարաբերությունների կարգավորումն ու երկու ժողովուրդների միջև երկխոսության ստեղծումն անհնարին է, քանի դեռ պաշտոնական Անկարան չի ճանաչել Հայոց ցեղասպանությունը: Այս մասին «rusarminfo»-ի հետ զրույցում, մեկնաբանելով Եվրամիության աջակցությամբ հայ և թուրք ժողովուրդների միջև հարաբերությունների հաստատմանն ուղղված որոշ ծրագրերի ակտիվացումը, հայտնել է Մերձավոր Արևելքի և Կենտրոնական Ասիայի ուսումնասիրության կենտրոնի տնօրեն Սեմյոն Բաղդասարովը։ «Թող նախ Թուրքիան ճանաչի հայ ժողովրդի ցեղասպանությունը: Թող վերադարձնի այն հայերի գույքը, որոնց սպանել են: Չի կարող լինել որևէ հաշտեցում, մինչև ցեղասպանությունը չճանաչվի», - ասել է Բաղդասարովը։ «Այնպիսի տպավորություն ունեմ, որ իշխանության են եկել մարդիկ, որոնք չգիտեն, թե ինչ են անում: Կոռումպացվածների փոխարեն եկել են շատախոսներ: Եթե ժամանակին ոչինչ չփոխվի՝ նրանք հայ ժողովրդին ծայրահեղության կհասցնեն: Չի կարող լինել որևէ հաշտեցում, քանի դեռ թուրքական իշխանությունը չի ճանաչել Հայոց ցեղասպանությունը», - ասել է ռուսաստանցի փորձագետn ու հավելել, որ նման հաշտեցումը կարող է ձեռնտու լինել Անկարային, որն այդ կերպ «կուլ կտա» նաև Արևելյան Հայաստանը:
Հետևեք մեզ Viber-ում
