Ռոբերտ Քոչարյանին ազատ կարձակեն. Գուրգեն Եղիազարյան
Հայաստանի երկրորդ նախագահ Ռոբերտ Քոչարյանին ազատ կարձակեն եւ նրա փաստաբանների հայտարարությունները արժանի են վստահության: Հայելի ակումբում նման տեսակետ հայտնեց քաղաքական գործիչ Գուրգեն Եղիազարյանը: «Քոչարյանի փաստաբանները շատ պրոֆեսիոնալ եւ ուժեղ են, եւ, եթե գործը եւ նախկին նախագահի դեմ մեղադրանքներն ուսումնասիրելուց հետո նրանք հայտարարում են, որ գործը շինծու է, ապա դա այդպես է: Ես այդպես կարծելու հիմքեր ունեմ գաղտնալսման հետ կապված տարօրինակ պատմությունից հետո, որն այդպես էլ չբացահայտեցին եւ ամենայն հավանականությամբ, չեն բացահայտի: Որոշ ժամանակ կանցնի, եւ նոր ձայնագրություններ կհայտնվեն: Այս ձայնագրությունները ցույց տվեցին, որ այս ամենի հետեւում կա միայն մեկ մարդ `Հայաստանի վարչապետ Նիկոլ Փաշինյանը», - նշեց Եղիազարյանը: Քաղաքական գործիչը հիշեցրեց, որ դեռ օգոստոսին Հայաստանի իշխանությունները հայտարարել էին, որ մարտի 1-ի գործը բացահայտված է, բայց հանվագործների անուններն այդպես էլ չհրապարակվեցին:
Հետևեք մեզ Viber-ում
