Փողոցի ազդեցությունն է. անօրեն երկիր է, դատավորն էլ ինքուրույն չէ․ Նազիկ Ամիրյան

Անօրեն երկրում ենք ապրում, դատավորն էլ այնքան ինքնուրույն չէ, որ ենթարկվում է փողոցի ազդեցությանը։ Այդ մասին 24News-ի հետ զրույցում ասաց ԱԺ նախկին պատգամավոր, ԵԿՄ նախկին նախագահ Մանվել Գրիգորյանի կինը՝ Նազիկ Ամիրյանը։ Հարցին՝ կարծում եք սա փողոցի պայքարի արդյո՞ւնքն էր, թե՞ քաղաքական ճնշում, Նազիկ Ամիրյանը նշեց. «Իհարկե, փողոցի ազդեցությունն է»։ Այսօր՝ հունվարի 22-ին, վերաքննիչ քրեական դատարանի դատավոր Արսեն Նիկողոսյանը բավարարեց գլխավոր դատախազության բողոքը, համաձայն որի Մանվել Գրիգորյանը կրկին կկալանավորվի։ Դատարանը, միևնույն ժամանակ, մերժել է պաշտպանական կողմի ներկայացրած՝ Գրիգորյանի նկատմամբ գրավը թույլատրելի ճանաչելու դատարանի որոշումը։ Մանվել Գրիգորյանը 25 միլիոն դրամ գրավի դիմաց ազատ էր արձակվել 2018 թվականի դեկտեմբերի 21-ին: Դատախազությունը Մանվել Գրիգորյանի խափանման միջոցի փոփոխության դեմ վերաքննիչ ատյան բողոք էր ներկայացրել։