Քանի դեռ տարին չի լրացել, այս առումով կասկածելի է .ԲՀԿ-ն ՝մարզպետների պարգևատրման մասին

«Բարգավաճ Հայաստան» խմբակցության պատգամավոր Գևորգ Պետրոսյանը,ԱԺ-ում ճեպազրույցների ժամանակ, անդրադառնալով հարցին, թե ԲՀԿ-ն՝ որպես ընդդիմադիր խմբակցություն, ինչպես է վերաբերում նրան, որ 6-7 ամիս աշխատած մարզպետներն իրենք իրենց պարգևատրել են,ասաց. «ԱԺ-ն առաջին իսկ շփման առումով չունի այնպիսի իրավազորություն` քննարկել կոնկրետ մարզպետի պարգևատրման հարցը, գոյություն ունի Հաշվեքննիչ պալատ, պետական վերահսկողական ծառայություն, եթե դրանք որպես խախտում կարձանագրեն, ԲՀԿ-ն երբեք չի խորշի այդ խախտման քաղաքական և իրավական գնահատականը տալուց: Մենք  շահագրգռված ենք, որ ոչ մի լումա չծախսվի ոչ նպատակային: Բայց գոյություն ունի անմեղության կանխավարկածի սկզբունք, որը պետք է հաշվի առնել նաև այդ հարցում:Պետք է խախտում գրանցվի, որ կարող էր իրեն պարգևատրել, թե ոչ»: «Ինչքան էլ հասարակության զայրույթը հարուցեն, քանի դեռ իրավական մարմինների կողմից չի գրանցվել խախտում, պետք չի ավելորդ շտապողականություն դրսևորել և գնահատել յուրացում վատնում»,-ասաց նա: Գևորգ Պետրոսյանն իր անձնական կարծիքը հայտնեց, որ պարգևատրումները ՀՀ գործող աշխատանքային օրենսդրության արդյունքում կատարվում են տարեկան գործունեության արդյունքների հիման վրա: «Բայց քանի դեռ   տարին չի լրացել, այս առումով կասկածելի է պարգևատրման հիմքը»,-ասաց նա