Վերաքննիչ քրեական դատարանում այսօր տեղի կունենա ԱԺ նախկին պատգամավոր Մանվել Գրիգորյանի նկատմամբ գրավ կիրառելու առաջին ատյանի դատարանի որոշման դեմ ՀՀ գլխավոր դատախազության ներկայացրած վերաքննիչ բողոքի քննությունը։ Մինչ դատական նիստի մեկնարկը, Մանվել Գրիգորյանի խափանման միջոցը փոխելու դեմ ուղղված բողոքի ակցիայի մասնակիցներն Էջմիածին քաղաքից շարժվելու են դեպի Վերաքննիչ դատարան։
Հիշեցնենք, որ դեկտեմբերի 21-ին Երևան քաղաքի ընդհանուր իրավասության դատարանը 25 մլն դրամ գրավի դիմաց Մանվել Գրիգորյանի խափանման միջոց կալանքը փոխել էր, որի արդյունքում Մ. Գրիգորյանն ազատ էր արձակվել։ Այս հանգամանքը հարուցել էր Էջմիածին քաղաքի բնակիչների զայրույթը, որոնք բողոքի ակցիաներ իրականացրեցին և պահանջեցին Մանվել Գրիգորյանի խափանման միջոց կալանքը չփոխել, սակայն բողոքողները տարվա վերջին դադար վերցրեցին, և բողոքի ակցիան վերսկսվեց հունվարի 11-ից, բողոքողների պահանջը կրկին նույնն է։
168.am-ի հետ զրույցում Մանվել Գրիգորյանի դեմ ուղղված բողոքի ակցիայի նախաձեռնող Ջիվան Աբրահամյանը տեղեկացրեց, որ այս պահին մարդիկ հավաքվում են Էջմիածնի հրապարակում, որպեսզի շարժվեն Երևան, նրանք կհավաքվեն Վերաքննիչ դատարանի մոտ։
Հարցին՝ այս անգամ ևս կփակե՞ն ճանապարհները, թե՞ կհետևեն ՀՀ վարչապետի հորդորին, մեր զրույցակիցը տեղեկացրեց, որ իրենք հարգում են վարչապետին։
«Եթե նրա կողմից մեր արած քայլերը դիտարկվել են՝ որպես հակապետական, ապա մենք այդ քայլին այլևս չենք գնա։ Ճանապարհ փակելու մեթոդով չենք փորձելու խնդիր լուծել։ Լիովին համաձայն եմ, որ կա առավել հարմար տարբերակ։ Եթե մենք կարողացանք ճանապարհ փակելով՝ մեր բողոքի ձայնը հասցնել մինչև վերջ, այժմ էլ կարող ենք սպասել այլ մեթոդով պայքարի»,- ասաց Ջ. Աբրահամյանը։
Նշենք, որ, երբ Վերաքննիչ քրեական դատարանը հետաձգեց Մանվել Գրիգորյանի գործը, բողոքի ակցիայի մասնակիցները հայտարարեցին, որ կփակեն ճանապարհներ մինչև արդար դատավարություն տեղի չունենա։ Հայտարարության հաջորդ օրը ՀՀ վարչապետ Նիկոլ Փաշինյանը ֆեյսբուքյան ուղիղ եթերի ժամանակ հայտարարեց, որ որևէ մեկը լիազորություն չունի ճանապարհ փակելու.
«Որոշ կլանային ուժեր փորձում են այդ պրոցեսը օգտագործել՝ ասելով, թե՝ «բա լա՞վ էր, որ Նիկոլը ճամփա էր փակում, հիմա էլ մենք ենք «փագըմ»: Դուք չե՛ք փակելու, որովհետև դուք դրա լիազորությունը չունեք, և ժողովրդից էլ չեք ստացել այդ լիազորությունը, որովհետև ժողովուրդն իր իշխանությանն ընտրել է, և այդ իշխանության լիազորությունն է նաև՝ ապահովել ճանապարհների անցանելիությունը»,- ասել էր վարչապետը:
Հարցին՝ վարչապետն արձագանքե՞լ է իրենց այն հայտարարությանը, որ ցանկություն էին հայտնել հանդիպելու նրա հետ, Ջիվան Աբրահամյանը պատասխանեց, որ վարչապետն արդեն իրենց հետ կապ հաստատել է ֆեյսբուքյան իր լայվի միջոցով, որտեղ անդրադարձել էր նաև ճանապարհներ փակելուն։
«Հույս ունեմ, որ դատարանը չի կայացնի այնպիսի որոշում, որ Մանվել Գրիգորյանը շարունակի ազատության մեջ լինել։ Եթե նման բան լինի, ապա ժողովուրդը որոշում կկայացնի, թե ինչ ուղղությամբ է ցանկանում պայքարել»,- եզրափակեց Ջիվան Աբրահամյանը։
Փետրվարի 4-ին՝ ժամը 16։00-ին, Հայելի ակումբի հյուրն է ՀՀԿ երիտթևից Հենրիխ Դանիելյանը
Փետրվարի 4-ին՝ ժամը 13։00-ին, Հայելի ակումբի հյուրն է Մայր Հայաստանից Սամվել Հակոբյանը
Փետրվարի 4-ին՝ ժամը 12։00-ին, Հայելի ակումբի հյուրն է Խաչիկ Մանուկյանը
Փետրվարի 3-ին՝ ժամը 13։00-ին, Հայելի ակումբի հյուրն է ԱԺ նախկին պատգամավոր Արման Աբովյանը
Փետրվարի 3-ին՝ ժամը 11։00-ին, Հայելի ակումբի հյուրն է «Մայր Հայաստան» դաշինքի անդամ Դերենիկ Մալխասյանը
Փետրվարի 3-ին՝ ժամը 14։00-ին, Հայելի ակումբի հյուրն է Արտակարգ և լիազոր դեսպան Ձյունիկ Աղաջանյանը
Փետրվարի 3-ին՝ ժամը 12։00-ին, Հայելի ակումբի հյուրն է քաղաքագետ Երվանդ Բոզոյանը
Փետրվարի 2-ին՝ ժամը 16։00-ին, Հայելի ակումբի հյուրն է տնտեսագետ, կառավարման փորձագետ Ռոլանդ Մարտիրոսյանը
Փետրվարի 2-ին՝ ժամը 14։00-ին, Հայելի ակումբի հյուրն է քաղաքագետ Էդգար Էլբակյանը
Փետրվարի 2-ին՝ ժամը 13։00-ին, Հայելի ակումբի հյուրն է ԱԺ նախկին պատգամավոր Նաիրա Զոհրաբյանը
Հետևեք մեզ Viber-ում
