Հայաստանի և Ադրբեջանի ղեկավարների «վերելակային» պայմանավորվածություն, ըստ էության, չկա.Իգիթյան
«Հայաստանի և Ադրբեջանի ղեկավարներ Նիկոլ Փաշինյանի և Իլհամ Ալիևի «վերելակային» պայմանավորվածություն, ըստ էության, չկա, դա փորձ է հեգնելու, իսկ ղեկավարների հանդիպումներ կարող են ամենուր լինել՝ սեղանի շուրջ, աստիճանների վրա, բայց պետք է հիշել, թե ինչ են խոսել: Երկու երկրների ղեկավարները, ըստ էության, հաստատեցին Վիեննայի համաձայնության կարևորությունը»,- ԱԺ-ում լրագրողների հետ զրույցում հայտնեց «Իմ քայլը» խմբակցության պատգամավոր Հովհաննես Իգիթյանը՝ պատասխանելով հարցին, որ Վիեննայի ու Սանկտ Պետերբուրգի պայմանավորվածությունները փոխարինվեցին «վերելակային» պայմանավորվածությամբ: Հրադադարի վերահսկողության մեխանիզմները չեն մոռացվել: Սահմանին կրակոցների նվազելը դրական է,ասաց Իգիթյանը ,ում կարծիքով՝ դա պայմանավորված է հեղափոխությունից հետո Հայաստանի հանդեպ միջազգային նոր մոտեցմամբ:
Հետևեք մեզ Viber-ում
