Ցմահ դատապարտված զինվորների գործերը պիտի վերանայվեն․ Նաիրա Զոհրաբյան
«Ես զբաղվել եմ ու շարունակելու եմ զբաղվել բանակում կատարված հանցագործություններով ցմահ դատապարտված զինվորների գործովՊնդում եմ՝ այդ տղաների գործը պիտի վերանայվի։ Եթե սպան փորձել է անարգել զինվորին, ինչի հետևանքով տեղի է ունեցել սպանություն, և զինվորը 20 և ավելի տարի նստած է, արդյոք այդ գործերը չպիտի վերանայվեն։ Սա իմ հստակ դիրքորոշումն է եղել միշտ։ Ցավոք սրտի, մեր բոլոր փորձերը՝ վերանայել այդ գործերը և ներում շնորհել, մասնավորապես, Արմենակ Մնջոյանին և Արսեն Արծրունուն, մնացին «ձայն բարբառո անապատի»», - ԱԺ-ում հայտարարեց Մարդու իրավունքների և հանրային հարցերի մշտական հանձնաժողովի նախագահի թեկնածու Նաիրա Զոհրաբյանը։ Փոփոխություններ են անհրաժեշտ նաև ներման ինստիտուտի աշխատանքում , որ այն ինձազատել է ավելորդ պատասխանատվությունից՝ մեծամասամբ ներում չնորհելով դատապարտյալներին՝ առանց նրանց տեսնելու և առանց գործին մանրամասն ծանոթանալու,ասաց նա:
Հետևեք մեզ Viber-ում
