«Եթե վաղը դատարանը կայացրեց որոշում հօգուտ Քոչարյանի, ապա որևէ մեկը չի կարող դրա անաչառությունը վիճարկել». Ալումյան

Երևանի ընդհանուր իրավասության Կենտրոնի նստավայրում այսօր նախատեսված էր ՀՀ երկրորդ նախագահ Ռոբերտ Քոչարյանի գործով դատական նիստը։ Դատարանը որոշեց մերժել ինքնաբացարկի վերաբերյալ միջնորդությունը՝ պատճառաբանելով, որ Արամ Օրբելյանի հետ դատավոր Արթուր Մկրտչյանի կապերն այնքան չեն, որ դա ազդի իր անաչառության վրա։ Այս մասին այսօր՝ հունվարի 14-ին, լրագրողների հետ զրույցում ասաց ՀՀ երկրորդ նախագահ, երկրի սահմանադրական կարգը տապալելու մեջ մեղադրվող Ռոբերտ Քոչարյանի փաստաբան Հայկ Ալումյանը։ Ռոբերտ Քոչարյանի փաստաբաններն ինքնաբացարկի միջնորդություն են ներկայացրել գործը քննող դատավոր Արթուր Մկրտչյանին։ «Ինքնաբացարկի միջնորդություն ենք ներկայացրել՝ հիմք ընդունելով նախագահող դատավորի եւ իմ, կամ իր ընտանիքի եւ իմ միջեւ առկա որոշակի կապը, այդ թվում նաեւ նախագահող դատավորի որդու հետ ես Կապանում բավականին երկար ընկերական շփում եմ ունեցել, որոշ ժամանակ համադասարանցիներ, ընկերներ ենք եղել, շատ լավ հարաբերություններ ենք ունեցել, միասին դաշնամուրի ենք գնացել։ Միաժամանակ նախագահող դատավորը շատ ջերմ հարաբերություններ ունի իմ կնոջ քեռու հետ, որի ընտանիքի հետ նույնպես ունենք շատ մոտիկ ընկերական հարաբերություններ, բացի դրանից նախագահող ընտանիքի ծխխնմամիները էլի մեր հարազատներն են եւ սրա հետ կլապված կա անաչառության որոշակի էլեմենտ։ Կասկածի տակ չդնելով օբյեկտիվ անկախության էլեմենտը՝ այդ թվում հաշվի առնելով, որ գրավի հարցը պետք է քննի դատարանը եւ բացասական հետեւանքներ են առաջանում , եթե գրավը կիրառվեր, կալանքը չերկարացվեր, քննարկամն առիթ էր դառնալու եւ Հատուկ քննչական ծառայությունը եւս մեկ անգամ կասեր, որ դա ապօրինի որոշում էր, դրա համար ներկայացվել է այդ աստերը եւ խնդրում ենք դատարանին հայտնել ինքնաբացարկ»,- ասել է Օրբելյանը: Նիստը վերսկսվելուց հետո պաշտպան Հայկ Ալումյանը լրագրողների հետ զրույցում տեղեկացեց, որ դատարանը որոշել է մերժել ինքնաբացարկի վերաբերյալ միջնորդությունը, քանի որ Արամ Օրբելյանի հետ իր ունեցած կապերն այնքան չեն, որպեսզի դա ազդի իր անաչառության վրա: «Մենք մեր մասով այդ միջնորդությունն արեցինք, իսկ դատախազներն առարկեցին, եթե վաղը, ենթադրենք, դատարանը կայացրեց որոշում հօգուտ Քոչարյանի, ապա որևէ մեկը չի կարող այդ որոշման անաչառությունը վիճարկել»,- ասաց  Ալումյանը։