«Որդիներ» օպերացիան մեկնարկել է. «Թոխմախը» լծվել է որդու PR ակցիային
«Հրապարակը» գրում է. «Մենք գրել էինք, որ հաջորդ խորհրդարան են մտնելու ոչ թե օդիոզները, այլ նրանց զավակները, սանիկները, զարմիկները։ Երեկ արդեն որոշ շրջանակներ լծվել էին Թոխմախի Մհերի որդու՝ Դավիթ Սեդրակյանի PR ակցիային։ Պարզվում է՝ այս ընտանիքը «Սեդրակյան» բարեգործական հիմնադրամ ունի, որի գոյության մասին մինչ օրս ոչ ոք չի իմացել, սակայն այն կա և ղեկավարում է Դավիթ Սեդրակյանը։ Հիմա էլ իրենց հարազատ Էրերունի և Նուբարաշեն վարչական շրջանների կրթօջախներում բարեգործական ծրագրեր է մտադիր իրականացնել։ Եվ չնայած մամուլը պարբերաբար գրում է, թե Երևանի ավագանու անդամ Դավիթ Սեդրակյանին հայրիկը ցանկանում է տեսնել Երևանի քաղաքապետի պաշտոնում, բայց առավել հավանական է, որ նա հոր փոխարեն գործուղվի Աժ։ Լուրեր կան նաև, որ Գյումրու քաղաքապետ Սամվել Բալասանյանի որդին ևս կմտնի խորհրդարան»,–գրում է թերթը։ Մանրամասները՝ թերթի այսօրվա համարում։
Հետևեք մեզ Viber-ում
