Ստյոպա Սաֆարյան. «Ֆեյսբուքում չէ, որ պետք է կայացվեն կարևորագույն որոշումները…»
Քաղաքագետ Ստյոպա Սաֆարյանի գրառումը. «Ղազախստանի Կարագանդա քաղաքում տեղի ունեցած կենցաղային վեճը մեծ հանրային հնչեղություն, անթույլատրելի ազգային երանգներ ստացավ, որովհետև այդ երկրի իշխանությունները բավարարվեցին առաջին օրերին որոշ լրատվամիջոցների կողմից շատ սահմանափակ տեղեկատվությամբ ու որոշում կայացրեցին այլևս լռություն պահպանել: Արդյունքում, կրքերն ու քննարակումները տեղափոխվեցին սոցիալական հարթակներ ու ձնագնդին գնաց… Ինչպես Հայաստանի ֆեյսբուքյան հանրությունն է, այնտեղ էլ ղազախ ու այլազգի ֆեյսբուքցիները ինքնաբերաբար դարձան կրիմինալիստներ, դատահոգեբաններ, փորձագետներ, քննիչներ, դատավորներ, կոնֆլիկտաբաններ, վերլուծաբաններ… Հավատացեք, նույն պատկերն է, ինչ մեզ մոտ ցանկացած սուր թեմայի քննարկման դեպքում: Սակայն դա մի գործելաոճ է, որը բնորոշ է ավտորիտար երկրներին:
Հետևեք մեզ Viber-ում
