Երեխաների օրգանների վաճառք ունենք. Արարատ Միրզոյանի սենսացիոն հայտարարությունը
Այսօր կառավարության նիստի ժամանակ փոխվարչապետի պաշտոնակատար Արարատ Միրզոյանը կարծիք հայտնեց,որ որդեգրման ժամանակ գործ ունենք մաֆիայի հետ: «Իմ աշխատելու ժամանակ փորձել ենք համառորեն բացահայտել, բայց կծիկը չենք կարողացել քանդել: Շատ ցավալի իրողություն ունենք՝ երեխաների օրգանների վաճառք: Այն ուղղությունները, որտեղից երեխաներ են որդեգրում, հայտնի են այդ դեպքերով»,- նշեց նա: Նիկոլ Փաշինյանի հարցին, թե այդպիսի դե՞պք է գրանցվել, Արարատ Միրզոյանը բացասական պատասխան տվեց. «Օդում կախված համառ լուրեր կան: Մենք այստեղ լրջագույն վերահսկողության խնդիր ունենք»:
«Կներե՛ք, ճնշումս բարձրացավ»,- ասաց Նիկոլ Փաշինյանը:
ԱԱԾ տնօրեն Արթուր Վանեցյանն ու ՀՀ գլխավոր դատախազ Արթուր Դավթյանը հերքեցին երեխաների օրգանների, թրաֆիքինգի դեպքերը: «Միայն ունեցել ենք երեխայի առքուվաճառք»,- ասաց գլխավոր դատախազը:
Հետևեք մեզ Viber-ում
