Արմեն Գևորգյանի գործով վերաքննիչ բողոքների քննության օրը հայտնի է

Նախկին փոխվարչապետ Արմեն Գևորգյանի գործով վերաքննիչ բողոքների քննությունը տեղի կունենա հունվարի 11-ին, ժամը 11:00-ին: Այս մասին Armtimes.com-ի զրույցում ասաց Գևգործով վերաքննիչ բողոք է ներկայացրել թե՛ դատախազությունը և թե՛ պաշտպանական կողմը: Դատախազությունը բողոքարկում է առաջին ատյանի դատարանի որոշումը՝ Գևորգյանին չկալանավորելու վերաբերյալ: Դատարանի որոշումը պաշտպանական կողմը ևս մասնակի բողոքարկել է: Բանն այն է, որ Գևորգյանին մեղսագրվող արարքներից մեկի դեպքում դատարանը գտել է, որ առկա է հիմնավոր կասկած, սակայն հիմքեր չկան նրան կալանավորելու. խոսքը նրան մեղասգրվող ՀՀ ՔՕ 190 (խոշոր չափերի փողերի լվացում) հոդվածի մասին է: Հենց այս հանգամանքն է պաշտպանական կողմը վիճարկում: Առաջին ատյանի դատարանը նաև գտել է, որ Գևորգյանին մեղսագրվող երկու հոդվածների՝ սահմանադրական կարգի տապալմանն օժանադակելու և պաշտոնատար անձի կողմից առանձնապես խոշոր չափի կաշառք ստանալու դեպքում առկա չէ հիմնավոր կասկած, որ նա կատարել է իրեն վերագրվող արարքները: