ՄԱԿ-ի բարի կամքի դեսպան Անջելինա Ջոլին շարունակում է հոգ տանել Լիբանանում ապաստանած սիրիացի փախստականների մասին, որոնց թիվն աստեղ ավելի քան 1,5 միլիոն է: Տեղատարափ անձրեւն ու պոռթկուն քամին չեն խանգարել նրան՝ ուղեւորվելու Բեքաայի հովտի Դաբագա շրջանում գտնվող սիրիացիների ճամբար, որտեղ ապաստան Է գտել 300 հազար մարդ, տեղեկացնում է «Արմենպրես»-ը:
Հոլիվուդի նշանավոր դերասանուհու ժամանման պահին վրաններից շատերը հայտնվել Էին մինչեւ ծնկները հասնող ջրի մեջ:
ՄԱԿ-ի փախստականների գործերի գերագույն կոմիսարի վարչության տվյալներով՝ Լիբանանում գտնվող փախստականների 79 տոկոսը կազմում են կանայք ու երեխաները: Դաբագայում Ջոլին մոտեցել է 38-ամյա Խուլյուդայի՝ չորս երեխաների մոր անկողնուն: Երբ սիրիուհին երեխաների հետ միասին, լքելով իր տունը, փախել է Հոմսի անվտանգ շրջաններ, դիպուկահարի գնդակը դիպել է նրա ողնաշարին: Դերասանուհին համբերատար լսել է կաթվածահար վիճակում գտնվող այրուն եւ խոստացել է օգնել վիրահատման հարցում:
Ինչպես հայտնել է Ջոլին, փախստականների մեծ մասը երազում են վերադառնալ հայրենի օջախներ:
«Նրանք մեծ հույս ունեն, որ երբեւիցե տեղի կունենա հայրենիքի հետ վերամիավորումը: Ես նրանց աչքերում տեսնում էի հույսի ցոլքեր»,-ասել է դերասանուհին:
Լիբանանի ճամբարներում ապրելը դժվարութունների հետ է կապված, բայց այստեղ գոնե ինչ-որ չափով պարենամթերք է ստացվում եւ բուժօգնություն է ցուցաբերվում: Մի քանի շրջաններում երեխաները ուսումը շարունակելու հնարավորություն ունեն: Կառավարության որոշմամբ, պետական դպրոցներում նրանց ուսուցում Է կազմակերպվում երկրորդ հերթով:
Ջոլին հատուկ ուշադրություն է դարձրել լիբանանցիների հյուրընկալության վրա: «Ես ցանկանում եմ շնորհակալություն հայտնել Լիբանանի ժողովրդին այն օգնության համար, որը նրանք ցուցաբերում են մեկ միլիոնից ավելի կյանքեր փրկելու գործում: Դյուրին չէ նման բեռ կրել այն երկրին, որտեղ փախստականների թվականակը հավասար է տեղի բնակության քառորդ մասին: Դա խոսում Է այն մասին, որ Լիբանանի ժողովրդն աչքի է ընկնում մեծ մարդասիրությամբ»,-նշել է դերասանուհին, հաղորդել է ՏԱՍՍ գործակալությունը:
Փետրվարի 14-ին՝ ժամը 13։00-ին, Հայելի ակումբի հյուրն է ՀՀ նախկին վարչապետ Հրանտ Բագրատյանը
Փետրվարի 14-ին՝ ժամը 12։00-ին, Հայելի ակումբի հյուրն է Արա Վարդանյանը
Փետրվարի 13-ին՝ ժամը 13։30-ին, Հայելի ակումբի հյուրն է Արմենուհի Կյուրեղյանը
Փետրվարի 13-ին՝ ժամը 16։00-ին, Հայելի ակումբի հյուրն է Պարույր Հայրիկյանը
Փետրվարի 13-ին՝ ժամը 13։00-ին, Հայելի ակումբի հյուրն է Դերենիկ Մալխասյանը
Փետրվարի 13-ին՝ ժամը 12։00-ին, Հայելի ակումբի հյուրն է Հայկ Այվազյանը
Փետրվարի 13-ին՝ ժամը 14։00-ին, Հայելի ակումբի հյուրն է Սերգեյ Շաքարյանցը
Փետրվարի 12-ին՝ ժամը 11։00-ին, Հայելի ակումբի հյուրն է արցախցի հասարակական-քաղաքական գործիչ Անաստաս Իսրայելյանը
Փետրվարի 12-ին՝ ժամը 16։00-ին, Հայելի ակումբի հյուրն է ՀՀԿ-ական Հենրիխ Դանիելյանը
Փետրվարի 12-ին՝ ժամը 14։00-ին, Հայելի ակումբի հյուրն է քաղաքագետ Սերգեյ Շաքարյանցը
Հետևեք մեզ Viber-ում
