Արմենակ Մնջոյանի նամակը Նաիրա Զոհրաբյանին

«Դրոյի» գործով մահապատժի, իսկ այնուհետեւ մահապատիժը ցման ազատազրկմամբ փոխարինված եւ օրերս սրտի կաթվածից մահացած Արմենակ Մնջոյանը վստահ  էր, որ Հայաստանում կա երկու ուժեղ քաղաքական գործիչ, ովքեր կարող են Հայաստանի քաղաքական դաշտում լուրջ օրակարգ ձեւավորել։ Եւ երկուսն էլ կին՝ Նաիրա Զոհրաբյանն ու Զարուհի Փոստանջյանը։ 2017 թվականի մարտի 8-ին ԱԺ այն ժամանակվա նախագա Գալուստ Սահակյանին ուղղված նամակում Արմենակ Մնջոյանը խոսում է նրանցից մեկի՝ Նաիրա Զոհրաբյանի մասին։   ՀՀ ԱՆ  .«Նուբարաշեն» ՔՀԿ ՊԱՉ-ի դատապարտյալ Արմենակ Լևոնի Մնջոյանից   Մեծարգո պարոն Սահակյան, Նախ, Ձեր միջոցով ցանկանում եմ շնորհավորել խորհրդարանի կին պատգամավորներին, ինչպես նաև հայ կանանց՝ Հայաստան ի Սփյուռ աշխարհի, այս գարնան տոների կապակցությամբ: Եվ թող որ նրանց կյանքը միշտ լեցուն լինի գարուններով, արևներով և արարչաստեղծ շնորհներով: Մինչդեռ նամակս ըստ էության կապված է  ոչ թե գարնան տոնի, այլև ԲՀԿ խորհրդարանական խմբակցության անդամ տիկին Նաիրա  Զոհրաբյանի գործունեության ու նրա՝ որպես  հայ կնոջ տեսակին: Այսօր, մեր  առկա ժամանակներում, Նաիրա Զոհրաբյանը իր գործունեության և տեսակի մեջ, կարծեք թե եղավ այն կարևորագույն օղակը, որը կապ հանդիսացավ դարերի խորքից եկող հայ արարչաստեղծ կնոջ ոգու, ոգու բարոյականության և նրա որակական տեսակի անխախտ բարեմասնությաններին:  Ուստի և, Մեծարգո պարոն Սահակյան, Ձեր միջոցով է, որ ցանկացա իմ երախտագիտությունն ու զորակցությունը հայտնել Նաիրա Զոհրաբյանին, վստահեցնելով Ձեզ, որ օրենսդիրի նրա գործունեության ակն ու ակունքը ավանդական հայ կնոջ անխախտ ոգուց է բխում, ուստի և նրա օրենքի հիմքում խիղճն է, այս պարագային է, որ օրենքը ձեռք է բերում կարևոր պարտավորություն՝ արդարություն, ողորմություն և հավատարմություն: Սա է հայ կնոջ արարչագեղ ոգու այն շնորհը, որը բերում է հայոց ուժի անպարտելիության ու սահմանագծում ոգու բարոյականության խորհուրդը: