Գալուստ Սահակյանը ոչ գույք ունի, ոչ էլ՝ փող, 7 տարվա ընթացքում միայն չոր աշխատավարձ և թոշակ է ստացել
Zham.am-ը շարունակում է ձեզ ներկայացնել ՀՀ բարձրաստիճան պաշտոնյաների ունեցվածքի հայտարարագրերը: Այս հրապարակմամբ ներկայացնում ենք Ազգային Ժողովի պատգամավոր, ԱԺ նախկին նախագահ Գալուստ Սահակյանի ունեցվածքը` ըստ բարձաստիճան պաշտոնատար անձանց էթիկայի հանձնաժողով ներկայացրած հայտարարգրի: Ըստ հայտարարագրի` 2017 թվականին Գալուստ Սահակյանն ունեցել է միայն եկամուտներ` 10 մլն 320 հազար դրամ, որը գոյացել է աշխատավարձից և կենսաթոշակից: 2017 թվականի պաշտոնի ստանձման հայտարարագրում ևս միայն եկամտային տվյալներ են գրանցված: 2017 թվականի մայիսի 23-ին ներկայացված հայտարարագրում Գալուստ Սահակյանը գրանցել է 5 մլն 305 հազար 50 դրամ եկամուտ, որը գոյացել է հետևյալ կերպ՝ 5 մլն 173 հազար 50 դրամ՝ աշխատանքի վարձատրություն, 132 հազար դրամ՝ կենսաթոշակ: 2016 թվականին ևս Գալուստ Սահակյանը միայն եկամուտ է գրանցել՝ 10 մլն 951 հազար 620 դրամ, որը գոյացել է հետևյալ կերպ 10 մլն 552 հազար 20 դրամ՝ աշխատանքի վարձատրություն, 399 հազար 600 դրամ՝ կենսաթոշակ: Նույն պատկերն է նաև 2015 թվականի հայտարարագրում, որտեղ գրանցված է 12 մլն 716 հազար 770 դրամ եկամուտ: Եկամուտը գոյացել է հետևյալ կերպ՝ 12 մլն 359 հազար 30 դրամ՝ աշխատանքի վարձատրություն, 357 հազար 740 դրամ կենսաթոշակ: 2014 թվականին ևս Գալուստ Սահակյանը բացառություն չի արել: Ներկայացրած հայտարարագրում այդ ժամանակ ԱԺ նախագահ Գալուստ Սահակյանը գրանցել է միայն եկամուտ, որը կազմել է 7 մլն 278 հազար 884 դրամ: Եկամուտը գոյացել է հետևյալ կերպ՝ 6 մլն 921 հազար 140 դրամ՝ աշխատանքի վարձատրություն, 357 հազար 744 դրամ՝ կենսաթոշակ: Ի դեպ, նույն պատկերն է նաև 2013, 2012 և 2011 թվականների հայտարարագրերում, որտեղ միայն եկամտային տվյալներ են գրանցված: Այսինքն, 2011-2017 թթ-ը Գալուստ Սահակյանը միայն եկամուտ է ստացել, չի ունեցել դրամական միջոցներ, անշարժ և շարժական գույք: Գալուստ Սահակյանի կնոջ՝ Ժաննա Աղաբաբյանի 2017 թվականի հայտարարագրում գրանցված են եկամուտներ և դրամական միջոցներ: Դրամական միջոցները հարկային տարվա սկզբում կազմել են 126 մլն 433 հազար 455 դրամ, որը հարկային տարվա ավարտին աճել է՝ դառնալով 149 մլն 733 հազար 455 դրամ: Եկամուտները կազմել են 25 մլն 209 հազար 786 դրամ, որը գոյացել է հետևյալ կերպ 1 մլն 345 հազար 786 դրամ՝ աշխատանքի վարձատրություն, 564 հազար դրամ կենսաթոշակ, 23 մլն 300 հազար դրամ շահաբաժին:
Հետևեք մեզ Viber-ում
