Աշխարհում ամենավտանգավոր ահաբեկիչներից մեկը սպանվել է

lenta.ru-ն՝ հղում կատարելով Twitter-ում ԱՄՆ-ի նախագահ Դոնալդ Թրամփի հայտարարությանը հայտնում է,որ Ամերիկյան զինվորականները ոչնչացրել են յեմենյան ակաբեկիչ Ջամալ Ահմեդ Մուհամեդ Ալի ալ-Բադավիին: CNN հեռուստաալիքը հայտնում է, որ ալ-Բադավին զոհվել է հունվարի 1-ին Եմենի Մարիբ նահանգում ավիահարվածի արդյունքում: Վաշինգտոնում հայտարարում են, որ գործողության ժամանակ ահաբեկիչը մենակ է եղել: «Մեր աշխատանքը «Ալ-Քաիդայի» դեմ շարունակվում է: Մենք երբեք չենք դադարի պայքարել արմատական իսլամական ահաբեկչության դեմ»,-գրել է Դոնալդ Թրամփը: Ալ-Բադավին, որը համարվում էր 2000 թվականին Ադենա նավահանգստում «Քոուլ» ականակրի վրա հարձակման գլխավոր կազմակերպիչներից մեկը, ըստ ԱՄՆ-ի Հետախուզությունների դաշնային բյուրոյի վարկածի՝ աշխարհում ամենահետախոզվող ահաբեկիչներից մեկն էր: Նրա ձերբակալմանը նպաստող տեղեկատվության համար սահմանվել էր հինգ մլն դոլարի չափով պարգեւատրում: 2004 թվականին Յեմենում ահաբեկիչը դատապարտվել էր մահապատժի, ավելի ուշ այն փոխարինվել էր ցմահ բանտարկությամբ,  2007 թվականին նա ազատ էր արձակվել տեղական իշխանությունների նկատմամբ հավատարմություն պահպանելու խոստման դիմաց: Այդ ժամանակից ի վեր՝  նա հետախուզվում էր ԱՄՆ-ի կողմից: