Կրակել և սպանել են շանը ու նրա 1 ամսական ձագերին (տեսանյութ)

21:55 - 6/հունվարի/2019

Աբովյան քաղաքում շան և նրա ձագերի վրա են կրակել: Այս մասին Facebook-ի իր էջում հայտարարություն է տարածել «Դինգո» թիմը: «Աբովյան քաղաքում տեղի ունեցած շների սպանդի հետքերով գնացինք ու գտանք կրակողին: Նա ոչ միայն կրակել էր մեծ շանը, այլ նաև նույն զենքից (նույնանման փամփուշտ) աղբամանի մոտ կրակած էին ընդամենը 1 ամսական 4 ձագեր: Ձագերից երկուսը կենդանի չէին, իսկ երկուսը գտնվում էին ծայրահեղ ծանր վիճակում (բուժօգնություն ցուցաբերվել է): Նշենք, որ կրակողը ու իր ընկերը գտնվում էին հարբած վիճակում ու իրենց պահում էին բացարձակ լպիրշ ու սանձարձակ մեր կամավոր աղջիկների նկատմամբ: Տեսանյութի մեջ էլ հաստատում են, որ իրենք են կրակել, ու լավ են արել:Ահազանգել ենք ճանապարհային ոստիկանություն՝ հարբած մեքենա վարելու մասով: Ահազանգել ենք ոստիկանություն՝ բնակելի վայրում զենք կիրառելու, քաղաքացիների նկատմամբ լպիրշ պահվածքի ու կենդանիների նկատմամբ դաժան վերաբերմունքի մասով: Ցավոք ՀՀ օրենքով որսորդական զենքի կիրառումը բնակելի վայրում ընդամենը վարչական պատիժ է (այնինչ դա կատարվել է կանգառի մոտ ու շատ հանգիստ կարող էր նաև մարդ վնասվել): Բայց մենք կանենք մեզնից հասանելի ամեն ինչ, որ այս տմարդները ստանան իրենց արժանի պատիժը եղած բոլոր հնարավոր օրենքի կետերով: Եվս մեկ անգամ, կեցցեն մեր կամավոր աղջիկները, ովքեր արդարության հաստատման համար մինչև գիշերը 3-ը անց են կացրել ոստիկանությունում»,- գրված է թիմի Facebook-ի էջում: