Վրաստանում խոզագրիպից մահացության դեպքերն ավելանում են

Վրաստանում հիվանդանոցներում կարանտին է հայտարարվել: Սահմանափակումների անհրաժեշտությունը պայմանավորված է H1N1 վիրուսի արագ տարածմամբ: Հիվանդանոցներում ավելացել է սուր շնչառական վարակներով հիվանդացած մարդկանց թիվը: Վերջին մեկ շաբաթվա ընթացքում գրեթե 3 անգամ ավելացել է վարակված երեխաների թիվը: 49 երեխա սուր շնչառական վարակով դիմել է հիվանդանոց: Բոլոր երեխաների մոտ հայտնաբերվել է H1N1 վիրուս: Նրանցից երկուսի վիճակը ծանր է: Վերջին տվյալներով՝ Վրաստանում H1N1 վիրուսից 8 մարդ է մահացել, որոնցից 4-ը՝ Աջարիայում: Բոլոր մահացածներն ունեին քրոնիկ հիվանդություններ: Գրիպի վիրուսն էլ ավելի էր ծանրացրել նրանց վիճակը: