Արթուր Իսպիրյանը ցանկանում է դառնալ Հանրային ռադիոյի գործադիր տնօրեն
Օրերս հայտնի դարձավ, որ Հանրային ռադիոյի մի քանի աշխատակիցներ բողոքի ակցիա են իրականացրել ընդդեմ Հանրային ռադիոյի գործադիր տնօրեն Մարկ Գրիգորյանի։ Բողոքի ակցիայից հետո Մարկ Գրիգորյանը մամուլի ասուլիս էր հրավիրել, որի ժամանակ, սակայն, հրաժարվել էր մանրամասն խոսել տեղի ունեցածի մասին, ներողություն խնդրել լրագրողներից և հայտարարել, որ իր համար իրականում ծանր ժամանակներ են։ Politik.am-ին հաջողվեց պարզել, որ Մարկ Գրիգորյանի դեմ բողոքի ակցիաների հրահրիչը եղել է երգիչ Արթուր Իսպիրյանը, ով նաև Երևանի ավագանու անդամ է «Իմ քայլը» դաշինքի կազմում։ Արթուր Իսպիրյանն ինքը ցանկություն ունի դառնալ Հանրային ռադիոյի գործադիր տնօրեն։ Եվ հենց իր պլաններն իրագործելու համար է արշավ սկսել Մարկ Գրիգորյանի դեմ։ Հիշեցնենք, որ Արթուր Իսպիրյանը շաբաթներ առաջ նորից հայտնվել էր սկանդալի կենտրոնում՝ նա որդեկորույս մորը, ով բողոքի ակցիա էր իրականացրել կառավարության շենքի մոտ, հրապարակային անվանել էր «անտեր շուն»։ Այն ժամանակ նա անգամ չարձագանքեց մամուլի հրապարակումներին և ներողություն չխնդրեց որդուն կորցրած մորից, ավելին՝ հայտարարեց, որ չի զղջում իր խոսքերի համար։
Հետևեք մեզ Viber-ում
