Հայաստանը ԵԱՏՄ-ում անելիք չունի. Նիկոլ Փաշինյան. տեսանյութ. Հիշեցում
«Ելք» դաշինքը շարունակում է համոզված լինել, որ Հայաստանը ԵԱՏՄ-ում անելիք չունի, ավելին, ԵԱՏՄ-ին Հայաստանի անդամությունը լրջագույն սպառնալիքներ է ստեղծել երկրի ազգային անվտանգությանը:
Հիշեցնենք, որ 2017 թվականի սեպտեմբեր ամսին ԱԺ արտաքին հարաբերությունների մշտական հանձնաժողովում Հայաստանի՝ ԵԱՏՄ անդամության դադարեցման նախագծին նվիրված քննարկման ժամանակ ասել է «Ելք» խմբակցության պատգամավոր Նիկոլ Փաշինյանը:
Նրա խոսքով, և քաղաքական, և տնտեսական, և ռազմաքաղաքական առումներով ԵԱՏՄ-ի անարդյունավետությունը բազմիցս արդարացվել է: Ըստ Փաշինյանի՝ հանրությունից թաքցվել է այն փաստը, որ անդամակցությունից հետո Հայաստանը առևտրաշրջանառության ծավալների զգալի անկում է գրանցել անգամ Ռուսաստանի հետ:
Նիւկոլ Փաշինյանը միաժամանակ համոզմունք է հայտնել, որ ԵԱՏՄ որոշ գործիչներ ցինիկաբար փորձում են միջամտել ՀՀ ներքին գործերին: «ԵԱՏՄ-ի անդամությունից հետո՝ ապրիլյան պատերազմի օրերին, Հայաստանն Արցախում ունեցել է տարածքային լրջագույն կորուստներ: Շատ լուրջ կասկածներ կան, որ Ադրբեջանն իր այս գործողությունները համաձայնեցրել է ԵԱՏՄ որոշ անդամ-երկրների հետ»,- ասել է նա:
Հետևեք մեզ Viber-ում
