«Մեկ առ մեկ բացահայտելու ենք...». Սարհատ Պետրոսյան

Անշարժ գույքի կադաստրի կոմիտեի նախագահ Սարհատ Պետրոսյանը գրել է. «Յուրաքանչյուր առավոտ կադաստրի կոմիտեի շենք մտնելիս տեսնում եմ մեր կողքի մայթը, որը վերջերս լրիվ պատահաբար պարզվեց` սեփականաշնորհվել է։ Խախտելով իմ մոտեցումը, որ մեր բացահայտումների մասին մենք չենք բարձրաձայնելու, այլ իրավապահ մարմիններն ու մամուլը, բայց այս դեպքն իմ աչքի առաջ է ամեն օր, ու ամեն օր զայրանում եմ, թե ինչպես ենք մենք, որպես պետական հիմնարկ, նման բան թույլ տվել, երբ մայթերը երբեք ու երբեք սեփականաշնորհման ենթակա չեն, ու հատկապես այս դեպքում, որ այն կպած է այդ մայթերը սեփականաշնորհումից ինչ-որ տեղ պաշտպանող հիմնարկի պատին։ Ի դեպ նկարում տեսնում եք մեր շենքի առաջին հարկի փակված պատուհանները, որոնք ենթադրաբար այս սեփականաշնորհման ատրիբուտներից են։ Եվ այսպես, մեկ առ մեկ բացահայտելու ենք հանրային ունեցվածքի ու տարածքների հափշտակումներն ու պատասխանատվության ենք ենթարկելու մեղավորներին ու հեռացնելու ենք աջակիցներին մեր համակարգից՝ նոր կադաստրից»