«Միմիայն մշակութային հեղափոխությունն է ի զորու շտկել իրավիճակը». Արծրուն Պեպանյան

Քաղաքական վերլուծաբան Արծրուն Պեպանյանը ֆեյսբուքյան իր էջում գրել է. «Օտարի լծի տակ դարեր մնալու պատճառով մշակութային դեգրադացիայի ենք ենթարկվել, ու հետևանքներն ակնհայտ երևում են: Կապիտալիզմի կայացման փուլում ենք գտնվում, իսկ այդ փուլում մշակութապես ստորին շերտերը հարստանում են, դառնում որոշիչ հասարակական կյանքում և իրենց ցածր մշակույթը պարտադրում հանրությանը: Դրսերից ներմուծել ենք օրենքներ, որոնք չեն աշխատում, իսկ նման դեպքում որպես կանոն իրենց բարքերն են կյանքում հաստատում ինքնակազմակերպված, մշակութապես ստորին շերտերը: Այսինքն, մեր կյանք առնվազն երեք խողովակով հակամշակույթ է լցվում, դրա համար էլ ունենք այս իրականությունը: Միմիայն մշակութային հեղափոխությունն է ի զորու շտկել իրավիճակը...»: