«Էս ա ամբողջ «քաղաքական» բանավեճը». Սուրեն Սահակյան

«Քաղաքացու որոշում» սոցիալ-դեմոկրատական կուսակցության հիմնադիր անդամ Սուրեն Սահակյանը ֆեյսբուքյան իր էջում գրել է. «Երեկ Երևանի ավագանու նիստն էի լսում։ Միանգամից պատկերացրեցի ապագա ԱԺ-ի «գաղափարական բանավեճերը»։ Մեզ հավաստիացնում են, որ «մենք իրական ընդդիմություն ենք», «էս ա կսկսվի, կտեսնեք»։ Տեսնում ենք արդեն։ Ով դեռ չի տեսնում, միացրեք ավագանու նիստը, նայեք... Երբ գաղափարները նույնն են, «բանավեճը» սկսում ու ավարտվում ա անձերի շուրջ քննարկումներով։ Ֆանտաստիկ տեսարան ա, երբ «Լույսն» ու «Իմ քայլը» գաղափարները թողած ամեն մեկը նախկինում իր արածն ա մյուսի երեսով տալիս, ԲՀԿ-ն էլ զսպվածության կոչեր ա անում: Էս ա ամբողջ «քաղաքական» բանավեճը։ Հատուկենտ լուրջ ելույթներն էլ տեղեկատվական հոսքից դուրս են մնում, որովհետև անհետաքրքիր քաղաքային ու քաղաքական թեմաներին են վերաբերվում»։