Առնվազն 2 տարուց ավտոբուսները կլինեն քաղաքի փողոցներում. Հայկ Մարության
«Սուտ ասվեց այն առումով, որ ես ասեցի, որ 2 տարի ձգձգվելու է, բայց բացարձակապես այդպիսի խոսակցություն չկա: Ասվել է, որ առնվազն 2 տարի է պետք ներդրման համար, սա ձգձգում չէ: Եթե այսօր մենք անգամ 1 մլրդ դոլար ունենք և ինչ-որ գործարանից 845 ավտոբուս պատվիրենք, 6 ամիս մեզանից կպահանջվի, որ այդ ավտոբուսներն արտադրվեն: Այսինքն՝ ես ասել, որ 2 տարի ժամանակ է պետք, որ նոր տրանսպորտային ցանցը ներդրվի, առնվազն 2 տարուց ավտոբուսներ կլինեն քաղաքի փողոցներում»,- հայտարարեց Երևանի քաղաքապետարանում քաղաքապետ Հայկ Մարությանը՝ անդրադառնալով «Լույս» խմբակցության ղեկավար Դավիթ Խաժակյանի հայտարարություններին: Ինչ վերաբերում է հարցին, որ ընդդիմադիր ավագանու անդամների ելույթների, հարցերի ժամանակ «Իմ քայլը» խմբակցության անդամները տեղից ռեպլիկներ են անում, քաղաքապետը նշեց. «Յուրաքանչյուր այդպիսի դրսևորում ես դատապարտում եմ, լինի մեր խմբակցությունից, թե մնացած խմբակցություններից»:
Հետևեք մեզ Viber-ում
