Մանվել Գրիգորյանը կրկին վատացել է

Մանվել Գրիգորյանի պաշտպան Լևոն Բաղդասարյանն այսօր լրագրողների հետ զրույցում անդրադարձավ նաև Գրիգորյանի առողջական խնդիրներին և տեղեկացրեց, որ երեկ երեկոյան բժշկական միջամտություն է եղել «Շտապ օգնության» կողմից: «Ես ասեմ, Մանվել Գրիգորյանը առողջության հետ կապված որոշակի խնդիրներ ունի, երեկ՝ ուշ երեկոյան բժշկական միջամտություն է եղել»,- ասաց նա: Ինչպես ասաց` Մանվել Գրիգորյանն իր բուժումներն ընդունում է տանը, անհրաժեշտության դեպքում՝ հիվանդանոցում: Դատարանը Մանվել Գրիգորյանի ազատ արձակելու որոշումը կայացնելիս՝ նաև հաշվի է առել անձի առողջական վիճակը: Հարցին, թե ճի՞շտը են տեղեկությունները, որ Գրիգորյանի մի զանգով իր թիմակիցները կարող են զինվել, Բաղդասարյանը ասաց, որ դրանք սադրիչ լուրեր են։ «Լիազորված եմ տեղեկացնելու, որ դրանք սադրիչ հայտարարություններ են, և Մանվել Գրիգորյանի հետ բացարձակ աղերս չեն կարող ունենալ։ Իմ պաշտպանյալի հետ զրուցել ենք, թե գործի շրջանակներում, և՛ հետագայի հետ կապված, և նման մարտավարական բաներ գոյություն չունեն, այդպիսի հայտարարությունները բացարձակ աղերս չեն կարող ունենալ իմ պաշտպանյալի հետ»։