Հայաստանը պետք է հռչակել անարխիստական երկիր. փաստաբան

Եթե դատական իշխանությանը ճնշելու համար մարդիկ ճանապարհ են փակում, իսկ իշխանությունը դրան չի արձագանքում, ապա Սահմանադրությամբ Հայաստանը պետք է հռչակել անարխիստական երկիր։ Այսօր նման հայտարարությամբ է հանդես եկել ԱԺ պատգամավոր, ԵԿՄ վարչության նախկին նախագահ, գեներալ Մանվել Գրիգորյանի փաստաբան Լևոն Բաղդասարյանը։ «Հատուկ քննչական ծառայությունը հայտարարություն տարածեց, որ թվով 20-30 սեփականության վկայականներ ուղարկել է, որպեսզի պետական մարմիններն սկսեն գործառույթներ իրականացնել: Մոտ 6 ամիս քննեցին, զննեցին այդ իրավունքի հիման վրա, տեսան հանցակազմ չկա, հիմա էլ ուղարկում են գյուղապետերին՝ ցուցում են տալիս, որպեսզի մտնեն դատական պաշտպանության մեջ՝ այդ տարածքների գործարքներն անվավեր ճնաչելու համար»,- ասել է  Լևոն Բաղդասարյանը: Անդրադառնալով Մանվել Գրիգորյանի խափանման միջոցը փոխելու դատարանի որոշումը բողոքարկելու մտադրության մասին դատախազության հայտարարությանը՝ փաստաբանը նշեց, որ գրավի կիրառման միջնորդության քննարկմանը դատախազության որեւէ ներկայացուցիչ ներկա չի եղել դատարանում ։ «Դատական ակտի հետ կապված գործի նյութերին ծանոթ չեն, բայց պատասխանատու հայտարարություն են անում՝ բողոքարկելու մասին։ Պատճառը պարզ է՝ երկրի վարչապետը հայտարարեց, որ դատական ակտն իր համար անակնկալ էր, դրա տակ պարոնայք հասկացել են, որ դատական ակտը կարող է լինել անօրինական։ Այդպես էլ վերացական դատողությունենրով խաղում են անձանց ճակատագրերի հետ։ Եթե դատախազությունը ներկայացնի որևէ փաստ, որ Մանվել Գրիգորյանը, ազատության մեջ մնալով կխոչընդոտի քննությանը կամ նոր հանցագործություն կատարել, ապա պաշտպանական կողմը ներողություն կխնդրի ու կհորդորի իր պաշտպանյալին վերադառնալ բանտախուց», - նշեց փաստաբանը։