«0038» հրամանը հակասահմանադրական իրավիճակ չի առաջացրել, հակառակը՝ կանխել է այն. փաստաբան

«0038» հրամանն ու Մարտի 1-ի իրադարձություններն իրար հետ ընդհանրապես փոխկապակցված չեն :«0038» հրամանը չի ներկայացնում որևէ խնդիր։ Այն չի առաջացրել որևէ հակասահմանադրական կամ հակաիրավական իրավիճակ, ընդհակառակը՝ «0038» հրամանի արդյունքում կանխվել է բանակի ներգրավվածությունը, ներքաշումն օրեր շարունակ տևող ցույցերին, այն, ինչի վերաբերյալ հստակ տվյալներ կային։ Այսինքն, որ աշխատանքներ են տարվում բանակի ներսում, որպեսզի զինվորականներին նույնպես բերեն Ազատության հրապարակ ու նրանք սկսեն մասնակցել քաղաքական պրոցեսներին», - այս մասին Հայելի ակումբում հրավիրված ասուլիսում հայտարարեց ՀՀ երկրորդ նախագահ Ռոբերտ Քոչարյանի պաշտպաններից Հայկ Ալումյանը։ «Եթե հրամանի ամբողջ տեքստը հասանելի դառնա, ապա կպարզվի, որ այն որևէ բացասական արդյունքներ չի առաջացրել:Հստակ կարող եմ ասել, որ «0038» հրամանը, երբ դուք դրա ամբողջ տեքստը կունենանք, ինքներդ կհամոզվեք, որ չի առաջացրել որևէ հակասահմանադրական իրավիճակը», - ասաց փաստաբանը։