6-րդ վարչության կողմից վնասազերծված ՊԵԿ բարձրաստիճան պաշտոնյան՝ 2 միլիոն դրամ գրավի դիմաց ազատ է արձակվել

6-րդ վարչության աշխատակիցների կողմից վնասազերծված ՊԵԿ բարձրաստիճան պաշտոնյան՝ Սուրեն էլոյանը, քիչ առաջ 2 միլիոն դրամ գրավի դիմաց ազատ է արձակվել: Այս մասին Armtimes.com-ի հետ զրույցում ասաց նրա պաշտպան Միհրան Պողոսյանը: Նման որոշում կայացրել է Վերաքննիչ քրեական դատարանի դատավոր Մանուշակ Պետրոսյանը: Հիշեցնենք, որ ՊԵԿ փոքր հարկ վճարողների տեսչություն-վարչության ստուգումների 10-րդ բաժնի պետ Սուրեն Էլոյանը, տեսուչ Վաղարշակ Լալայանը եւ տեղակալ Սամսոն Առաքելյանը, ըստ իրավապահ մարմինների՝ 1 միլիոն դրամ կաշառք ստանալու պահին «մերկացվել են» հոկտեմբերի 22-ին: Նրանց մեղադրանք է առաջադրվել ՀՀ քրեական օրենսգրքի 311 հոդվածի 3-րդ մասի 1-ին 2-րդ եւ 3-րդ կետերով ենթադրյալ հանցագործություն կատարելու համար (պաշտոնատար անձի կողմից կաշառք ստանալը, որը կատարվել է շորթմամբ՝ մի խումբ անձանց կողմից): Առաջադրված մեղադրանքում Էլոյանն իրեն մեղավոր չի ճանաչում. նրա պաշտպանը մեր զրույցումավելի վաղ պնդլել էր, որ իր պաշտպանյալը անհիմն է գտնվում կալանքի տակ եւ որ նրա մեղքը հիմանվորող ապացույց գործում գոյություն չունի