Զասը մեկնաբանել է Հայաստանի հետ տարաձայնությունները
«Белта»-ի փոխանցմամբ,, Բելառուսի Անվտանգության խորհրդի քարտուղար Ստանիսլավ Զասը մեկնաբանել է ՀԱՊԿ գլխավոր քարտուղարի հարցի շուրջ Հայաստանի հետ տարաձայնությունները:Նա հույս է հայտնել, որ գլխավոր քարտուղարի հարցը կլուծվի փոխհամաձայնությամբ: Նա նաև պատմել է ՀԱՊԿ մյուս անդամ երկրների առաջնորդների հետ իր զրույցի մասին՝ նշելով, որ լսել է տարածաշրջանի իրավիճակի և կազմակերպության գործունեության շուրջ նրանց դիրքորոշումները: Ստանիսլավ Զասը պատասխանել է այն հարցին, թե արդյոք նախատեսվում է հանդիպում Հայաստանի ղեկավարության հետ: «Պատրաստ եմ Հայաստանի վարչապետի համար հարմար պահի մեկնել Հայաստան և հանդիպել նրա, արտաքին գործերի և պաշտպանության նախարարների հետ, քննարկել այն հարցերն ու խնդիրները, որոնք նրանք տեսնում են կազմակերպության գործունեությունում, և աշխատել այդ հարցերի շուրջ:Սակայն հույս ունեմ, որ կհասնենք կոնսեսուսի և այն հարցերը, որոնք այժմ առկա են, կվերանան: Այդ տարբերակն ամենալավն ու օգտակարը կլինի այս գործի համար: Անհրաժեշտ է հաղթահարել այդ տարաձայնություններն ու սկսել բնականոն աշխատանքը»,- ասել է Զասը:
Հետևեք մեզ Viber-ում
