Անիմաստ էր թանկ մեքենա գնելը, ես շքեղությունների սովոր չեմ. ՔԱԳԿ նախագահ

«Ես պետք է ուսումնասիրություն անեմ մեքենայի գնման մրցույթի հետ կապված, թե ինչու է մեքենան այդքան թանկ»,-Politik.am-ի հետ զրույցում ասաց Քաղաքացիական ավիացիայի կոմիտեի նախագահ Տաթևիկ Ռևազյանը: Մեքենայի գնման գործընթացով զբաղվել է աշխատակազմի ղեկավարն, ով այս պահին արձակուրդում է. «Մեքենայի գնումը նախատեսված էր նախկին կառավարության որոշմամբ: Գինը կառավարության պահանջած մաքսիմումից չի անցնում: Ամեն ինչ օրենքով է արվել, բայց ես անձամբ հասկանում եմ, որ անիմաստ է թանկ մեքենա գնելը: Կապ չունի՝ օրենքը թույլ տալի՞ս է, թե՞ ոչ: Ես թիմի հետ խոսելիս էլ եմ ասել, որ ինձ համար ընդհանրապես կարևոր չէ մեքենայի մակարդակը: Ես մեծացել եմ Դանիայում, որտեղ ես հեծանիվով եմ գնացել աշխատանքի: ես շքեղություններին սովոր չեմ, և երբեք չեմ էլ սովորի»: Ըստ Տաթևիկ Ռևազյանի՝ հնարավոր է նաև, որ մեքենան փոխարինվի. «Պետք է հասկանալ՝ հնարավո՞ր է վերադարձնել կամ հանձնել: Ինձ համար կարևոր չէ՝ ինչ մեքենա է: Կարևորը՝ Ա-ից Բ կետ հասցնի: Գրասենյակը օդանավակայանում է: Եթե այն լիներ քաղաքի կենտրոնում, ես մեքենայից ընդհանրապես կհրաժարվեի»,-ավելացրեց Տաթիկ Ռևազյանը: Հիշեցնենք, որ Քաղաքացիական ավիացիայի գլխավոր կոմիտեի պետ Տաթևիկ Ռևազյանի համար 2018 թվականի արտադրության «Toyota Camary» մակնիշի 13,4 միլիոն դրամ արժողության մեքենա էր գնվել: