Նոր իշխանությունների սերժսարգսյանական ախորժակը
«Նոր իշխանությունները կրթության ոլորտի բարեփոխումների մասին խոսելիս շեշտում էին բուհերն ապաքաղաքականացնելու, ապակուսակցականացնելու հարցը, սակայն նրանց քայլերը ճիշտ հակառակի մասին են խոսում: «Իմ քայլը»-ը ավագանու ցուցակի 22-րդ համար, Տնտեսագիտական համալսարանի երիտասարդ դասախոս Ռուբեն Հայրապետյանը նշանակվել է Հայաստանի պետական տնտեսագիտական համալսարանի ռեկտորի պաշտոնակատար: Ռեկտորատի նիստին, որի ժամանակ նոր ժպ է նշանակվել, մասնակցել է անձամբ ԿԳ նախարար Արայիկ Հարությունյանը: Վերջինս լրատվամիջոցների հետ զրույցում հակադարձել է, թե այս նշանակումը քաղաքական է՝ հիմնավորելով, որ Հայրապետյանը կուսակցական չէ, նա ընդամենը 32 տարեկան է, սակայն տնտեսագիտության դոկտոր է և ամենաերիտասարդ պրոֆեսորը։ Թեպետ տեղեկություններ կան, որ իրականում Արայիկ Հարությունյանն ու Ռուբեն Հայրապետյանը մտերիմներ են: Բնականաբար նոր իշխանությունները պետք է հնարավորինս հերքեն, որ իրենք շարունակում են նախկին իշխանության կիսատ թողած գործը եւ նպատակադրվել են մինչեւ վերջ քաղաքականացնել բուհերը, շուտով հոգաբարձունեի խորհրդի անդամներ կդառնան նոր իշխանության երեւելի այրեր, ինչպես նախկիններն էին, որոնք նաեւ իպաշտոնե էին զբաղեցնում այդ կազմերում: Օրինակ մամուլում ամիսներ առաջ արդեն իսկ գրվեց, որ ՀՀ ազգային ագրարային համալսարանի հոգաբարձուների խորհրդի կազմում են ընդգրկվել մի շարք նախարարներ ու փոխնախարարներ, ինչպես նաեւ Քաղաքացիական պայմանագիր կուսակցության անդամ, պատգամավոր Հովիկ Աղազարյանը: Հիմա որքան էլ պարոն նախարարը պնդիր, որ տնտեսագիտականի ապագա ռեկտորը կուսակցական չէ, փաստն այն է, որ նա հենց այնպես երկնքից չէր կարող հայտնվել իշխող ուժի ցուցակում, իսկ եթե հայտնվել է, կնշանակի առնվազն, որ յուրային է: Որ նոր իշխանությունը նպատակ նպատակադրված գնում է կրթական ոլորտը քաղաքականացնելու ուղությամբ, տեսանելի է նաեւ դաշինքի խորհրդարանական ցուցակից: Օրինակ Բրյուսովի անվան լեզվահասարակագիտական համալսարանի պրոռեկտոր Գրիշա Թամրազյանը, որը նախկինում Կոնսերվատորիայի պրոռեկտորն է եղել, ցուցակի 129-դ հորիզոնականում է: Հեղափոխությունից հետո, արագ կողմնորոշվելով, սկսել է պաշտպանել ուսանողների նախաձեռնող խմբին՝ ընդդեմ Ուսխորհրդի, որը դեռեւս հանրապետականացված էր, բայց առաջիկայում կդառնա ՔՊ-ացված: Իսկ Մայր բուհը՝ ԵՊՀ-ն տեւական ժամանակ գտնվում է իշխանության կոնտրոլի տակ, պետական վերահսկողական ծառայությունն այնտեղ ստուգումներ է անցկացնում եւ շուտով հերթը կհասնի նաեւ այս բուհում իշխանափոխությանը: Պարզապես խնդիրն այն է, որ մյուս բուհերի իրավաբանական գրանցումը որպես հիմնադրամներ են, հետեւաբար հնարավոր չէ ռեկտորի ուղղիղ փոփոխություն կատարել: Անի Սահակյան
Հետևեք մեզ Viber-ում
