Էլ չեմ կարողանում այսպես ապրել, եթե էսպես շարունակվի պատրաստ եմ կյանքիս վերջ տալ. Հասմիկ Այվազյան

Օրերս Հասմիկ Այվազյան անունով մի քաղաքացի դեմել է մեր խմբագրություն` ցանկանալով բարձրաձայնել իր խնդիրերի և անօթևան վիճակի մասին: Ինչպես տեղեկացրեց` ապրում է Լոռու մարզի Ստեփանավանի շրջանի Ուռուտ գյուղումի, երկրորդ կարգի հաշմանդամ է: Հասմիկը պատմեց, որ միայնակ է ապրում. «Ես Հասմիկ Այվազյանս ապրելով Լոռու մարզի Ստեփանավանի շրջան Ուռուտ գյուղում 2007 թվականի մարտի 25-ին ամուսնացել եմ: 2011 թվի ապրիլի 17-ից ես` իմ ընտանիքից առանձնանալով 7 տարի ավել ապրել եմ տարբեր տեղերում: Ձմեռը ցուրտ ա լինում ոչ մի կոմունալ հարմարություն չկա ո՛չ հարևան ունեմ ո՛չ բան... շատ սարսափելի իրավիճակում եմ ապրում առողջական խնդիրներս շատ են, որտեղ դիմել ոչ ոք չի օգնել և ոչ մի օգնություներից չեմ օգտվել: Ով օգնության անհրաժեշտություն չունի նա օգտվել է՝ իսկ ես մանկուց հաշմանդամ եմ եղել: Մայրս մահացել է՝ հայրս ութսուն տարեկան է, ի վիճակի չի ինձ օգնելու թե՛ ֆիննանսապես, թե՛ առողջական խնդիրներս լուծելու համար: Տարբեր տեղեր դիմելով բոլորը թքած են ունեցել իմ եւ իմ հոգսերիս վրա: Էլ չեմ կարողանում այսպես ապրել, եթե էսպես շարունակվի պատրաստ եմ ընդհուպ կյանքիս վերջ տալ: 7 տարի ապրում եմ ուրիշի վագոն տնակում, իսկ ռողջական խնդիրներս օրեցօր ավելի են վատանում:Ես զբաղվում եմ հովիվությամբ, այն էլ չեմ կարողանում, ուժեղ մեջքացավ ունեմ ոտքերիս հետ տալիս է, ես էլ միայնակ եմ ապրում»: