«Ռուսաստանը չարիք է աշխարհի համար, իսկ մեզ համար՝ երկրասպան ու ժողովրդասպան». Ե. Աբգարյան

ԳԽ և ԱԺ նախկին պատգամավոր Երջանիկ Աբգարյանը ֆեյսբուքյան իր էջում գրել է. «Պա՛հ, պա՛հ, պա՛հ, Ռուսաստանը մեզ «պաշտպանում» է ԱՄՆ-ի «շանտաժից» ու «ճնշումներից»: Մի երկիր, որն արդեն հարյուրավոր տարիներ մեզ տարել է արյունաթափության հունով, թուրքերին ու քրդերին միացած կազմակերպել է հայերի կոտորածներ ու ցեղասպանություն, որը թալանել է Էջմիածնի վանական համալիրը, փակել է մեր դպրոցները և յուրացրել եկեղեցապատկան հողերն ու ինչքը, մեզ ներքաշել ազգամիջյան կռիվների մեջ, Արևելյան Հայաստանը բաժան-բաժան արել թուրքերի և ադրբեջանցիների հետ և ՀՀ-ում էլ թալանում է մեր ժողովրդին՝ իր գործակալների միջոցով յուրացնելով մեր պետական ունեցվածքը, ճնշումներ է իրականացնում «մի գիշեր» մտածելու ժամանակ տալով, մշտապես շանտաժի առարկա դարձնելով գազի գինը, ահա այսօր այդ երկիրը բողոքում է մի այլ երկրի՝ թե հայերին շանտաժի ու ճնշումների մի ենթարկիր: Ռուսաստանը չարիք է աշխարհի համար, իսկ մեզ համար երկրասպան ու ժողովրդասպան»: